Este verán repetimos, con mais forza e ilusión debido ao especial escenario de crise que estamos a vivir. Ponllearte! 2020, ofrécenos a posibilidade de conectar diferentes axentes (idades, profesións, intereses) da cidade, mobilizar á veciñanza dunha maneira creativa, ofrecer roles distintos á mocidade, mostrar en positivo os produtos e servizos locais dunha maneira orixinal. Así como, chamar a atención no resto da cidade sobre o barrio de Os Castros. Un equipo creador de moz@s elabora un fanzine (revista autoeditada), compartindo con maiores que nos falen sobre as súas vivencias na corentena e como ven o futuro e traballan tamén en complicidade cos negocios locais recibindo aportes para as súas ilustracións e debuxos, dando vida entre tod@s a unha creación orixinal que nos fale do barrio e dos seus retos para o futuro.
Tratase dun proceso de creación en grupo e a elaboración dun fanzine sobre o barrio. Os obradoiros están pensados para mocidade a partir de 10 anos, dende o 27 de Xullo ata o 14 de agosto, traballando en grupos reducidos. Compartir en grupo un proceso creativo reflexivo, no que individualmente nos comprometemos a aportar unha ilustración ou creación ao noso #zine que nos falará sobre o barrio e o seu futuro. Este fanzine será a suma da nosa creatividade máis os aportes que os seus habitantes nos trasladen en visitas e diferentes sorpresas cada semana. Probamos diferentes técnicas, debuxamos, escribimos, e dialogamos reflexionando sobre os nosos descubrimentos. Facendo que a nosa creatividade aporte ao desenvolvemento do barrio.
Comentarios
Publicar un comentario