Saltar ao contido principal

Ponllearte 2020


Nunha acción de toma de conciencia e necesidade de recuperación do tecido de barrio tras a crise en relación á recente pandemia vírica, ofreceremos un espazo de reflexión, sanación e, sobre todo, para dar visibilidade e importancia ao tecido de pequenas empresas e autónomas que enriquecen o día a día de toda a veciñanza.
 
Nun proxecto que comprende un proceso artístico-creativo (que se concretará nun fanzine) no que poñeremos en relación a un grupo de mozas e mozos coa vida cotiá do barrio; cos comerciantes e negocios locais e con especial interese nas persoas maiores e a súa visión tras o confinamento obrigado pola crise sanitaria. 

As artes como ferramenta de construción, de relación e posta en valor da vida en común, da solidariedade e das persoas que habitamos e compartimos un mesmo espazo aínda que teñamos diferentes intereses, idades ou diversidades varias.  
Buscamos a túa participación e colaboración, hai varios xeitos nos que podes aportar e formar parte desta marabillosa aventura. 

O futuro comeza xa, o futuro esta no barrio. 

Ocupacións Significativas e tallerdepolo.  
https://www.facebook.com/ocupacions.significativas/
http://www.tallerdepolo.com/






O proxecto   Ponllearte   nace no 2019 da colaboración entre Polo (tallerdepolo) Son (Ocupacións Significativas) como unha proposta sensible ás realidades cotiás no barrio de Os Castros. 
O seu principal obxectivo é  implicar á comunidade en procesos creativos, reflexivos e transformadores a nivel local .

Velaquí as ideas que nos moven:

* o  barrio  como unha estrutura viva e en muda constante a través das súas relacións e da participación cotiá.
* as  artes  como ocupacións significativas e promotoras de benestar físico, mental, social e ambiental.
* a  creación colectiva  como estratexia de mellora e cambio dende o individual ó comunitario.  
* o principio de  inclusión real e efectiva  acollendo a pluralidade e diversidades humanas como camiño para sociedades máis xustas



Comentarios